Vijay Yesudas Malare Скачать

തെളിമാനം മഴവില്ലിൻ നിറമണിയും നേരം
നിറമാർന്നൊരു കനവെന്നിൽ തെളിയുന്ന പോലെ
പുഴയോരം തഴുകുന്നീ തണുവീറൻ കാറ്റും
പുളകങ്ങൾ ഇഴനെയ്തൊരു കുഴലൂതിയ പോലെ

കുളിരേകും കനവെന്നിൽ കതിരാടിയ കാലം
മനതാരിൽ മധുമാസം തളിരാടിയ നേരം

അകമരുവും മയിലിണകൾ തുയിലുണരും കാലം
എൻ അകതാരിൽ അനുരാഗം പകരുന്ന യാമം

അഴകേ
അഴകിൽ തീർത്തൊരു ശിലയഴകേ

മലരേ
എന്നുയിരിൽ വിടരും പനിമലരേ

മലരേ നിന്നെ കാണാതിരുന്നാൽ
മിഴിവേകിയ നിറമെല്ലാം മായുന്നപോലെ
അലിവോടെന്നരികത്തിന്നണയാതിരുന്നാൽ
അഴകേകിയ കനവെല്ലാം അകലുന്നപോലെ
ഞാനെന്റെ ആത്മാവിനാഴത്തിനുള്ളിൽ
അതിലോലമാരോരുമറിയാതെ സൂക്ഷിച്ച

താളങ്ങൾ രാഗങ്ങൾ ഈണങ്ങളായി
ഓരോരോ വർണ്ണങ്ങളായ്
ഇടറുന്നൊരെന്റെ ഇടനെഞ്ചിനുള്ളിൽ
പ്രണയത്തിൻ മഴയായ് നീ പൊഴിയുന്നീ നാളിൽ
തളരുന്നൊരെന്റെ തനുതോറും നിന്റെ
അലതല്ലും പ്രണയത്താലുണരും മലരേ
അഴകേ
കുളിരേകും കനവെന്നിൽ കതിരാടിയ കാലം
മനതാരിൽ മധുമാസം തളിരാടിയ നേരം
അകമരുവും മയിലിണകൾ തുയിലുണരും കാലം
എൻ അകതാരിൽ അനുരാഗം പകരുന്ന യാമം
അഴകേ
അഴകിൽ തീർത്തൊരു ശിലയഴകേ
മലരേ
എന്നുയിരിൽ വിടരും പനിമലരേ